Pas 17 vjetësh në emigrim, Ismail Ymeraj nga Cakrani i Fierit u kthye në vendlindje.
Vështirësitë e mërgimit dhe largësia nga familja e detyruan Ismailin të kthehej dhe të investonte në rritjen e shpendëve. Fillimisht e ka nisur me 5000 zogj pule. Pas 15 vjetësh punë arrin të rrisë rreth 100 mijë zogj që shkojnë në tregun vendas për mish.
Prej një vit e gjysmë Ismaili prodhon energji elektrike nga panelet diellore duke investuar rreth 27 mijë euro.
Jo vetëm siguron energji për stabilimentin por një pjesë e mirë në fund të vitit apo rreth 100 mijë i kalojnë shtetit por pa marrë prej tyre asnjë qindarkë.
Ish emigranti që investoi kursimet në Shqipëri kërkon që shteti t’i krijojë mundësi në lehtësimin e barrës fiskale.
