Projektligji për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar ka marrë mbështetjen unanime të Komisionit për Legjislacion.
Kryetari i Komisionit për Legjislacion, Vigan Qorrolli, ka bërë të ditur se të nëntë anëtarët e Komisionit kanë votuar pro projektligjit në parim.
Kështu, Komisioni e ka miratuar me votë unanime në parim Projektligjin për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar, duke i hapur rrugë shqyrtimit të tij në seancën plenare të Kuvendit.
