Një moment i veçantë gjatë fotos familjare në Samitin e NATO-s ka tërhequr vëmendjen në rrjetet sociale dhe mediat ndërkombëtare.
Gjatë pozicionimit të liderëve për fotografinë zyrtare, kryeministri i Shqipërisë, Edi Rama, ishte vendosur në krah të presidentit të Turqisë, Recep Tayyip Erdoğan.
Në një çast, sekretari i përgjithshëm i NATO-s, Mark Rutte, duket se i tërheq vëmendjen presidentit të Shteteve të Bashkuara, Donald Trump, duke i treguar atletet e bardha karakteristike të kryeministrit shqiptar.
Nga pamjet e publikuara, Trump mbetet i përqendruar te fotografia zyrtare dhe nuk shfaq ndonjë reagim të dukshëm ndaj komentit apo gjestit të Rutte.
Edi Rama është bërë i njohur në samitet ndërkombëtare për stilin e tij të veçantë të veshjes, ku shpesh kombinon kostumin zyrtar me atlete sportive, një detaj që ka tërhequr vëmendjen edhe në takime të mëparshme të nivelit të lartë.
