Eksperti, i cili poston në TikTok me emrin Creative Explained, shpesh ndan këshilla dhe truket që e bëjnë jetën e familjes më të lehtë dhe ka mbi gjashtë milionë ndjekës.
Kohët e fundit, ai ka dhënë disa këshilla se si t’i bëni këpucët e pista dhe me erë të keqe të duken pa të meta me gjërat që të gjithë i kanë tashmë në kuzhinën e tyre.
Në videon virale, e cila deri më tani ka mbledhur mbi 150.000 shikime, ai zbuloi se patatet, lëvoret e bananeve dhe qeskat e çajit mund të ndihmojnë që këpucët tuaja të shkëlqejnë si të reja, raporton Daily Mail.
Pastrimi i këpucëve me patate dhe banane
“A e dini se nëse merrni një patate dhe prisni një copë të vogël, mund ta përdorni për të pastruar këpucët”, zbuloi eksperti dhe më pas u tregoi ndjekësve të tij se si i kishte hequr të gjitha njollat në atletet e tij të bardha.
Më pas ai zbuloi se nëse këpucët tuaja lagen, gjithçka që duhet të bëni është t’i vendosni në makinë tharëse me lidhëse të dala jashtë për pesë minuta, transmeton telegrafi.
Pas kësaj, eksperti u ka treguar ndjekësve se si mund ta largojnë erën e keqe që u vjen nga këpucët.
Thjesht, merrni dy qese çaji të zi dhe vendosni në këpucë gjatë natës dhe aroma do të zhduket”, tha ai.
Në fund eksperti tregoi se si mund t’i bëni këpucët tuaja të shkëlqejnë duke i fërkuar me një lëvozhgë bananeje.
