Në ceremoninë e inaugurimit të Muzeut Arkeologjik të Durrësit, nuk munguan as momentet e tensionit.
Kryeministri Edi Rama u shfaq i bezdisur nga ministri Blendi Gonxhja, i cili ndërhynte vazhdimisht gjatë fjalës së tij, në prani të ambasadorit të BE-së Silvio Gonzato dhe përfaqësuesve të tjerë europianë.
Rama i është drejtuar Gonxhes me tone të drejtpërdrejta: “Lëre të flasë se më shkatërrove”, duke i kërkuar të mos ndërhynte dhe të linte zyrtarët e Bashkimit Europian të shpreheshin.
Ngjarja ndodhi gjatë inaugurimit të muzeut, i cili rihap dyert pas një periudhe të gjatë rikonstruksioni pas dëmtimeve nga tërmeti i vitit 2019. Objekti tashmë pritet të mirëpresë vizitorë vendas dhe të huaj, duke sjellë një pasqyrë të rëndësishme të historisë dhe civilizimit të lashtë të qytetit bregdetar.
