Një organizatë me bazë në Kosovë është përfshirë në listën e organizatave terroriste të Egjiptit, në kuadër të një vendimi gjyqësor që prek gjithsej 35 organizata dhe institucione islame në Evropë, si dhe 36 individë.
Vendimi është marrë më 10 nëntor 2026 nga Gjykata Penale e Kajros, e cila ka urdhëruar përfshirjen e këtyre organizatave dhe personave në listat e terrorizmit për një periudhë pesëvjeçare.
Në mesin e organizatave të përfshira figuron edhe Cultural Foundation for Science and Education (Fondacioni Kulturor për Shkencë dhe Edukim), nga Kosova.
Sipas të dhënave të publikuara, vendimi lidhet me rastin nr. 11108/2026, të regjistruar pranë Prokurorisë së Sigurisë së Lartë të Shtetit, ndërsa është botuar në numrin 250 të Gazetës Zyrtare të Egjiptit.
Pse Egjipti i përfshiu këto organizata në listën e terrorizmit?
Vendimi vjen në kuadër të fushatës së autoriteteve egjiptiane kundër Vëllazërisë Myslimane (Muslim Brotherhood) dhe rrjeteve që ato i konsiderojnë të lidhura me këtë lëvizje islamiste.
