Gazetari Berat Buzhala i ka kërkuar falje Presidentes së Kosovës, Justina Shiroka-Pula, për një tekst të publikuar në mediumin Nacionale, në të cilin ishte pretenduar se ajo kishte lidhje familjare me Kolë Shirokën, ish-udhëheqës komunist i viteve ’80.
Përmes një reagimi publik, Buzhala ka pranuar se informacioni i publikuar ishte i pasaktë, duke sqaruar se presidentja ka një axhë me emrin Kolë Shiroka, por ai nuk është personi që ishte përmendur në tekstin e Nacionale.
Buzhala ka bërë të ditur se para publikimit të shkrimit kishin pyetur disa persona për këtë çështje, por sipas tij, ata që e dinin të vërtetën janë lajmëruar vetëm pasi teksti ishte publikuar gabimisht.
Në fund të reagimit, ai ka shprehur keqardhje për pasaktësinë dhe i ka kërkuar falje presidentes për informacionin e publikuar.
“Ndjesë”, ka shkruar Buzhala në reagimin e tij, duke pranuar publikisht gabimin lidhur me këtë çështje.
