Protestuesit nuk janë ndalur as pas zhvillimeve të sotme dhe kanë vazhduar marshimin në Prishtinë. Një grup qytetarësh është nisur sërish në drejtim të zyrave të EULEX-it, duke kundërshtuar vendimin e Gjykatës Speciale ndaj ish-krerëve të Ushtrisë Çlirimtare të Kosovës.
Gjatë marshimit, protestuesit kanë mbajtur flamuj dhe kanë shprehur kundërshtimin e tyre ndaj dënimit të ish-krerëve të UÇK-së. Në mesin e tyre janë dëgjuar thirrje në mbështetje të Hashim Thaçit, Kadri Veselit, Rexhep Selimit dhe Jakup Krasniqit.
