Siguria në rrugët e Kosovës vazhdon të mbetet një ndër sfidat më të mëdha, ndërsa statistikat e fundit tregojnë një bilanc shqetësues të aksidenteve me pasoja fatale.
Vetëm gjatë javës së fundit, nëntë persona kanë humbur jetën në aksidente trafiku në pjesë të ndryshme të vendit, duke rikthyer në vëmendje nevojën për më shumë kujdes nga të gjithë pjesëmarrësit në komunikacion.
Sipas të dhënave të raportuara nga Klan Kosova, nga janari deri në fund të qershorit 2026, në rrugët e Kosovës janë regjistruar 45 aksidente me fatalitet, në të cilat kanë humbur jetën 46 persona.
Statistikat tregojnë se situata mbetet pothuajse e njëjtë me periudhën e njëjtë të vitit të kaluar. Gjatë gjashtëmujorit të vitit 2025 ishin regjistruar 40 aksidente me fatalitet, ku jetën e kishin humbur 45 persona.
