Albulena Haxhiu paralajmëron seancën konstituive në javën e parë të gushtit: Javën tjetër tregojmë datën dhe orën
Ushtruesja e detyrës së presidentes, Albulena Haxhiu, ka bërë të ditur se seanca konstituive e Kuvendit do të thirret gjatë javës së parë të muajit gusht.
Haxhiu ka deklaruar se data dhe ora e saktë e mbajtjes së seancës do të bëhen të ditura gjatë javës së ardhshme.
“Do të ketë seancë në javën e parë të gushtit. Ju premtoj që javën e ardhshme do të tregojmë datën dhe orën”, ka deklaruar Haxhiu.
Më herët, Presidenca kishte bërë të ditur se ushtruesja e detyrës së presidentes kishte vendosur që seanca konstituive të caktohej afër përfundimit të afatit ligjor, i cili përfundon më 7 gusht.
Sipas Presidencës, qëllimi i kësaj qasjeje është që partive politike t’u lihet më shumë kohë për të zhvilluar konsultime dhe për të arritur një marrëveshje politike lidhur me çështjen e presidentit.
Në këtë mënyrë, ditët në vijim pritet të jenë vendimtare për zhvillimet politike në vend, ndërsa vëmendja do të jetë e përqendruar te negociatat ndërmjet subjekteve politike dhe mundësia e arritjes së një marrëveshjeje.
Data dhe ora përfundimtare e seancës konstituive pritet të konfirmohen zyrtarisht gjatë javës së ardhshme.
