Kosova është zgjuar sot me një lajm të rëndë, pas ndarjes nga jeta të një prej figurave të njohura të luftës çlirimtare, Sahit Jashari, emër që për dekada ka mbetur simbol i qëndresës dhe sakrificës për lirinë e vendit.
Lajmi për vdekjen e tij ka prekur thellë shumë bashkëluftëtarë dhe qytetarë anembanë Kosovës, ndërsa ndër reagimet më emocionale ishte ai i Sami Lushtaku, i cili nuk ka arritur të fshehë dhimbjen për humbjen e një miku dhe bashkëluftëtari të orëve të para të rezistencës.
Në mesazhin e tij prekës, Lushtaku e përshkroi Sahit Jasharin si një ndër burrat më të mëdhenj të kësaj toke, duke kujtuar rrugëtimin e përbashkët në ditët më të vështira të Kosovës, kur idealet për liri kërkonin sakrificë të jashtëzakonshme.
“Sonte na la një burrë që jetoi vetëm për atdheun, një luftëtar që nuk njohu frikë dhe nuk kërkoi asgjë për vete”, thuhet në reagimin emocional të Lushtakut, i cili sipas burimeve pranë familjarëve është parë tejet i prekur dhe me lot në sy gjatë momentit kur mori lajmin e hidhur.
Vdekja e Sahit Jasharit konsiderohet një humbje e madhe jo vetëm për familjen Jashari, por për të gjithë ata që e njohën kontributin dhe sakrificën e tij në periudhat më vendimtare të luftës së Kosovës.
Me ikjen e tij, Kosova humbi një luftëtar të pathyeshëm, ndërsa bashkëluftëtarët e tij sot kujtojnë me dhimbje njeriun që la gjurmë të pashlyeshme në historinë e vendit.
Lavdi jetës dhe veprës së Sahit Jasharit. 🇽🇰
