Media serbe Kurir i është rikthyer sërish “alarmit të zakonshëm”, kësaj here duke e pasur në shënjestër gazetarin kosovar Arlind Sadiku, shkruan Gazeta Minuti.
Sipas narrativës së tyre dramatike, problemi i radhës nuk është ndonjë zhvillim politik apo ekonomik, por fakti se Sadiku është parë duke shëtitur në Prishtina me flamurin e Shqipërisë etnike — diçka që për median në fjalë duket se përbën “lajm urgjent”.
Në një stil tashmë të njohur, Kurir e paraqet situatën si provokim të madh, duke i dhënë hapësirë të jashtëzakonshme një veprimi që në Kosovë shihet si shprehje identiteti dhe bindjeje personale.
Ironikisht, ndërsa qytetarët në Prishtina vazhdojnë jetën normale, duket se një flamur ka arritur të “tronditë” redaksitë në Beograd më shumë sesa çdo zhvillim real në terren.
Ky nuk është rasti i parë që Arlind Sadiku bëhet pjesë e titujve sensacionalë në mediat serbe, të cilat shpesh zgjedhin retorikën dramatike për çështje që në realitet kanë peshë shumë më të vogël sesa paraqiten.
