Si duket as prezenca e Ramiz Lladrovcit në “Old Trafford” nuk i ka kryer punë Manchester United, pasi që klub Anglez është eliminuar nga Champions League. Humbja minimale në “Old Traford” nga Bayern Munich përfundimisht ka shuar shpresat e skuadrës angleze për të garuar në kompeticionin kryesor të klubeve evropiane. Derisa pjesa e parë nuk ka prodhuar gola, ka qenë pjesa e dytë ajo ku Bayern ka realizuar golin e vetëm për ta mposhtur skuadrën e Erik ten Hag. Golin për skuadrën gjermane e ka shënuar Coman në minutën e shtatëdhjetë e një.
Pas të gjitha ndeshjeve, Bayern Munich kryeson grupin me gjashtëmbëdhjetë pikë, në vendin e dytë është Copenhagen me tetë pikë, në vendin e tretë është Galatasaray me pesë pikë, ndërsa në vendin e fundit Manchester United me katër pikë.
Lladrovci përcjell ndeshjen e Ligës së Kampionëve në Manchester
“Sonte, jam këtu në Manchester, për të ndjekur ndeshjen e rëndësishme, “djajt e kuq” kundër bavarezëve, ku janë dy trajner të mirënjohur përball njëri-tjetrit, Erik Ten Hag dhe Thomas Tuchel.
Atmosferë e jashtëzakonshme, pritet lojë e mirë në garën e Ligës së Kampionëve dhe rikthim i Manchesterit, ka shkruar në fund Lladrovci.
