Blerim Vela, shef i stafit të presidentes së Kosovës, Vjosa Osmanit, ka reaguar pas protestës masive e cila u mbajt një ditë më parë në Beograd.
Vela përmes një postimi në rrjetin e tij në Tëitter ka shkruar se pavarësisht pretendimeve paranojake të regjimit të Vuçiqit se Kosova po nxit protesta, populli i Serbisë e ka parë këtë propagandë dhe ka dalë në një numër të madh.
Vela tha se kjo tregon qartë se fjalët e Vuçiqit dhe makineria e tij propagandistike nuk kanë më peshë.
“Sido që të quhet Maidan apo Pranvera Serbe, protestat vazhdojnë derisa Vuçiq t’i adresojë kërkesat e protestuesve. Sa më shpejt që vlerat evropiane të demokracisë të zbatohen vërtetë, aq më i lehtë është kalimi nga qeverisja e drejtuar nga dhuna në një bazë mbi dialogun dhe përfshirjen”.
Të premten në protestën e gjashtë “Serbia kundër dhunës”, dhjetëra mijëra qytetarë në Beograd nisën një marsh drejt Qeverisë së Serbisë.
Protestat u zhvilluan me ftesë të një pjese të opozitës, për shkak të pakënaqësisë ndaj reagimit të Qeverisë së Serbisë ndaj krimeve nga të shtënat masive, në fillim të majit, ku humbën jetën 18 persona.
