Ministri i Punëve të Jashtme të Armenisë, Ararat Mirzoyan, ka zhvilluar të dielën një takim me ministren e Punëve të Jashtme dhe zëvendëskryeministren e Kosovës, Donika Gërvalla-Schwarz, në margjinat e Konferencës së Sigurisë në Munih, njofton Ministria e Jashtme e Armenisë.
Palët shkëmbyen mendime për perspektivat e bashkëpunimit në platformat ndërkombëtare.
U trajtuan gjithashtu çështjet e sigurisë dhe stabilitetit rajonal.
Gjithashtu, Mirzoyan e informoi bashkëbiseduesin e tij për zhvillimet e fundit në procesin e normalizimit të marrëdhënieve Armeni-Azerbajxhan, si dhe pasojat e krizës humanitare të krijuar në Nagorno-Karabakh si rezultat i bllokimit të paligjshëm të korridorit të Laçinit nga Azerbajxhani.
Gervalla-Schwarz nga ana e saj ka reflektuar mbi situatën aktuale në Ballkanin Perëndimor, shkruhet në njoftimin e një gazete armene.
