Pak ditë më parë përfundoi shitja e Antoine Griezmann nga Barcelona te Atletico Madrid.
Transferimi u vlerësua në 20 milionë euro plus katër milionë euro të tjera në bonuse, ku varet nëse Atletico Madridi do të futet në Ligën e Kampionëve sezonin e ardhshëm dhe do të kalojë fazën e grupeve.
Është një marrëveshje që është kritikuar nga këndvështrime të ndryshme pasi marrëveshja e transferimit fillimisht ishte vendosur në 40 milionë euro dhe ka përfunduar me gjysmë e çmimit.
Kursime të konsiderueshme
Megjithatë, ky operacion i projektuar nga Mateu Alemany është një sukses për Barcelonën për shkak të kursimeve që gjeneron. Filloi me huazimin e sulmuesit në verën e vitit 2021 dhe tani ka kulmuar me shitjen e lojtarit.
Gjigantët katalanas kanë bërë një kursim prej rreth 125 milionë euro në paga në tre sezonet që mbetën në kontratën e francezit kur ai u largua nga “Camp Nou”.
Në dy sezonet e para, çelësi ishte mospagimi i pagës vjetore prej 35 milionë eurosh. Klubi Blaugrana nuk i paguan më asgjë që nga largimi i tij te Atletico Madrid.
Huazimi i lojtarit dhe fatura e pagave që ai liroi i lejuan klubit të sillte lojtarë si Ferran Torres, Pierre-Emerick Aubameyang dhe Adama Traore në afatin kalimtar të dimrit.
Dhe për fushatën aktuale, ka ndikuar edhe në nënshkrimin e të gjitha blerjeve të sjella.
60 milionë për sezonin 23/24
‘Qershia mbi tortë’ vinte për sezonin 2023/24. Shitja e lojtarit do të thotë që për këtë, përveç pagës së lojtarit, i shtohet edhe amortizimi i transferimit së tij, të cilën ata nuk duhet ta paguajnë.
Kësaj 35 milionë eurosh duhet t’i shtohen edhe 23 milionë euro, që është afërsisht ajo që mbeti për t’u amortizuar. Domethënë, gati 60 milionë euro ulje të faturës së pagave për sezonin 23/24.
Para Kupës së Botës
Një pikë tjetër e rëndësishme ka qenë shpejtësia në ekzekutimin e operacionit. Barcelona donte të mbyllte marrëveshjen para Kupës së Botës, sepse presioni për sulmuesin për të luajtur ishte në avantazhin e tyre.
Pa përfunduar nënshkrimi para Kupës së Botës siç ka qenë, Atletico dhe lojtari mund të kishin arritur një marrëveshje në mënyrë që të mos plotësonin minutat e kërkuara që do të shkaktonin klauzolën e lirimit.
Kështu mendoi Barcelona, për këtë arsye u përshpejtua marrëveshja me Atleticon./Telegrafi/
