Djathi u gjet gjatë gërmimeve në nekropolin e Saqqara në Egjipt, transmeton Gazeta Metro.
Arkeologët egjiptian zbuluan copa të djathit të bardhë që ishin 2600 vite të vjetra, të periudhës 664-525 para erës sonë, ka raportuar Egyptian National News javën e kaluar.
Sipas tyre ministria e antikiteteve të Egjiptit ka njoftuar se gjatë gërmimeve djathi u gjet në disa amfora të dekoruara me shkrim demotik, formë antike egjiptiane e shkrimit.
Këto hulumtime kishin gjetur edhe mbajtës të tjerë që do të hapen së shpejti.
Artefaktet u zbuluan gjatë gërmimeve në nekropolin e Saqqara. Në gërmimet e mëhershme në këtë lokacion më parë kishin zbuluar 100 sarkofagë.
Këtë muaj një qendër e re vizitorësh ishte hapur, Qendra Mbreti Khufu, në këtë nekropol./gazetametro.net
