RIVIAN, prodhuesi i automjeteve elektrike aventureske zyrtarisht njoftoi sot se po hap qendrën e saj në Beograd me qëllim të punësimit të stafit teknik lokal dhe inxhinierëve nga industria e automobilave.
Ideja është që qendra fillimisht të punësojë rreth 200 inxhinierë që do t’i japin kompanisë mbështetje shtesë në zbatimin e shërbimeve kryesore të Rivian në treg. Vendet e punës do të jenë në fushën e teknologjive të avancuara që lidhen me industrinë e automobilave, të tilla si harta, infotainment, sisteme të avancuara të asistencës së shoferit dhe shërbime IT.
Kompania në Serbi do të operojë me emrin Rivian SE Europe doo Beograd.
Rivian u themelua në vitin 2009, kompania projekton dhe prodhon automjete elektrike aventure – për tregjet e konsumit dhe komercial. Modelet e para të automjeteve për tregun e konsumit janë R1T, një kamionçinë për pesë pasagjerë, i cili u shpall automjeti më i mirë në kategorinë e tij dhe R1S, një SUV për gjithsej shtatë pasagjerë.
Automjetet e përmendura janë një kombinim i performancës së shkëlqyer, dobisë dhe efikasitetit. R1T dhe R1S janë të pajisura me sisteme të teknologjisë së avancuar, duke përfshirë elektronikën e automjeteve, baterinë, makinën elektrike, shasinë, Sistemin e Ndihmës së Përparuar të Shoferit (ADAS) dhe drejtimin dixhital.
Cindy Nikola, nënkryetare e departamentit të punësimit në Rivian, tha ekskluzivisht për Netocracija se janë shumë të emocionuar për hapjen e qendrës së teknologjisë në Serbi, shkruan novosti.rs, transmeton Gazeta Express.
“Jemi shumë të emocionuar për hapjen e qendrës sonë teknologjike në Serbi. Dëshira jonë është që këtu të krijojmë një qendër teknologjike moderne që do të kontribuojë në sjelljen e produkteve dhe shërbimeve lider në tregun botëror. Mezi presim që të fillojmë rekrutimin në Serbi duke hapur pozita për personel të kualifikuar në rajon”, tha ajo.
Kujtojmë se sot president serb Aleksandër Vuçiq në takimin që pati me këshilltarin e presidentit amerikan Biden, Jake Sullivan, tha se ky i fundit është në dije që kompania amerikane Rivian po shkon në Serbi.
