Kryeministri i Kosovës, Albin Kurti, nuk dha një koment të drejtpërdrejtë për deklaratën e zëvendëskryeministrit serb, Ivica Daçiq, se flamuri serb “herët a vonë do të valëvitet mbi Prizren”.
I pyetur nga gazetarët, Kurti iu referua reagimit të ministrit të Punëve të Jashtme dhe Diasporës, Glauk Konjufca. “Ka dhënë deklarimet ministri i Punëve të Jashtme dhe Diasporës, më duhet të shkoj për 20 minuta”, u shpreh ai.
Daçiqi i bëri deklaratat më 7 tetor, gjatë një tubimi zgjedhor në Rashkë. Ai përsëriti gjithashtu se partia e tij nuk do ta njohë pavarësinë e Kosovës dhe pretendoi se, nëse fiton mbështetjen e qytetarëve në zgjedhjet e ardhshme, edhe 20 shtete të tjera do ta tërheqin njohjen.
Konjufca i cilësoi deklaratat si shprehje të ambicieve territoriale të Serbisë ndaj Kosovës dhe i bëri thirrje bashkësisë ndërkombëtare t’i dënojë ato
Deklarata e Daçiç u bë gjatë një tubimi zgjedhor në Rashkë, ku ai tha se flamuri serb do të valëvitet “herët a vonë” mbi Prizrenin, qytetin që e cilësoi si vendlindjen e tij.
Gjatë fjalës së tij, Daçiç përsëriti gjithashtu qëndrimin kundër njohjes së pavarësisë së Kosovës, duke deklaruar se partia e tij nuk do ta njohë atë. Ai pretendoi se, nëse merr besimin e qytetarëve në zgjedhjet e ardhshme, edhe 20 shtete të tjera do ta tërheqin njohjen e Kosovës.
Ndaj këtyre deklaratave ka reaguar ministri i Jashtëm i Kosovës, Glauk Konjufca, i cili i ka cilësuar ato si dëshmi të ambicieve territoriale të Serbisë ndaj Kosovës.
Konjufca i ka bërë thirrje bashkësisë ndërkombëtare që të dënojë deklaratat, të cilat, sipas tij, ngrenë shqetësime për qëndrimet e Serbisë ndaj integritetit territorial dhe sovranitetit të Kosovës.
