Fituesja e edicionit të fundit të spektaklit televiziv Mimoza Ahmeti ka ndarë një episod argëtues nga jeta e saj personale, duke treguar se si partneri reagoi pas aventurës së saj në reality show.
Gjatë një interviste, Ahmeti rrëfeu se partneri kishte planifikuar t’i bënte një surprizë gjatë qëndrimit në fermë, por gjithçka ndryshoi pasi ai mësoi për puthjen skenike mes saj dhe Ilir Shaqiri, një moment që bëri shumë bujë gjatë spektaklit.
Sipas saj, pas këtij episodi partneri vendosi të hiqte dorë nga ideja për të marrë pjesë në surprizë, duke e parë ndryshe situatën.
E pyetur se si ia kishte shpjeguar këtë moment, Mimoza u përgjigj me humor, duke theksuar se gjithçka ishte pjesë e lojës.
“Ato ishin puthje skenike. Tani, i doje paratë apo jo?”, u shpreh ajo.
Me këtë koment, fituesja e spektaklit la të kuptohet se situatat e krijuara brenda formatit duhen parë si pjesë e dinamikës së lojës dhe jo si reflektim i jetës personale, ndërsa rrëfimi i saj shkaktoi të qeshura dhe reagime në publik.
