Kryetari i Parlamentit të Iranit, Mohammad Bagher Ghalibaf, citohet të ketë deklaruar të shtunën se bisedimet me Shtetet e Bashkuara kanë sjellë njëfarë përparimi, por mbeten ende larg një marrëveshjeje përfundimtare, pasi çështje kyçe vazhdojnë të jenë të pazgjidhura për të dyja palët, raporton The New York Times.
Sipas tij, çdo marrëveshje e mundshme duhet të ecë në mënyrë graduale, përmes hapave të ndërsjellë dhe veprimeve reciproke. Ghalibaf citohet të ketë deklaruar më tej se procesi nuk mund të ndërtohet mbi presion të njëanshëm, por mbi masa konkrete që krijojnë besim mes palëve.
Ai u shpreh gjithashtu se Uashingtoni duhet të fitojë besimin e popullit iranian, duke hequr dorë nga ajo që e cilësoi si qasje detyruese dhe të njëanshme.
