E ftuar në emisionin “Live From Tirana” me Ronaldo Sharkën, Olta Sheta ka komentuar disa prej ngjarjeve më të bujshme që shoqëruan finalen e “Big Brother VIP 4”. Një ndër çështjet më të nxehta ishte përçarja që u krijua në rrjete sociale mes shqiptarëve të Kosovës dhe atyre të Shqipërisë, lidhur me mbështetjen ndaj fituesit të këtij edicioni, Gjestit.
Olta ishte e drejtpërdrejtë në komentet e saj, duke thënë:
“Nëse publiku i Kosovës e donte vërtet Gjestin, do ia kishin dhënë fitoren në vendin e vet. Por nuk e çuan as në finale. Ishim ne, shqiptarët e Shqipërisë, që ia dhamë fitoren, jo ‘Big Brother VIP Kosova’. Ata thjesht dinë të përdorin rrjetet sociale.”
Ajo theksoi se Gjestit i shërbeu shumë trampolina e krijuar nga kalimi i tij brenda 24 orëve nga një reality show në tjetrin:
“Askush nuk e njihte para ‘Big Brother VIP Albania’. Aty mori famën.”
Pavarësisht kritikave, Olta nuk nguroi të japë edhe komplimente:
“Gjesti ka thyer një tabu. Nuk fitoi sepse kishte emër jashtë, por sepse bëri lojë të mirë brenda. Duhet t’i japim meritat ku i takojnë.”
Sipas saj, kritikat nuk janë dëm, por ndihmë për t’u bërë më të fortë:
“Gjesti duhet të vlerësohet për lojën që bëri. Dhe kritika nuk e dëmton, përkundrazi, e ndihmon të rritet.”
