Bekim Haxhiu nga Partia Demokratike e Kosovës ka kërkuar nga kryesia e kësaj partie që të japë dorëheqje sonte deri në mesnatë.
Në një postim në rrjetin social Facebook, ai ka thënë se nuk mund të luhet me fatin e krerëve të UÇK-së për interesa politike.
“Krejt kryesia e PDK-së duhet të japë dorëheqje sonte, deri në orën 24:00.
Postimi i plote:
Krejt kryesia e PDK-së duhet të japë dorëheqje sonte, deri në orën 24:00.
Këshilli Drejtues duhet të mblidhet brenda 48 orëve dhe të caktojë një kryesi të provizore, me mandat të qartë për ta udhëhequr partinë deri në mbajtjen e zgjedhjeve të reja.
Me UÇK-në, me fatin e krerëve të UÇK-së dhe me të ardhmen e Kosovës nuk mund të luhet për interesa politike, këtu nuk e tolerojmë askënd.
Këto janë çështje që prekin themelet e lirisë, sakrificën e popullit tonë dhe dinjitetin e shtetit tonë.
Kërkesa është e qartë, dorëheqje sonte, mbledhje e Këshillit Drejtues brenda 48 orëve.
Është koha për përgjegjësi dhe vendime konkrete.
Me UÇK-në, me çlirimtarët.
UÇK-ja është krenaria jonë.
Drejtësi dhe liri për çlirimtarët!
