Ministri i Shëndetësisë, Arben Vitia, ka paralajmëruar për rrezikun e rikthimit të fruthit në Kosovë, duke u bërë thirrje prindërve që t’i vaksinojnë fëmijët e tyre.
Vitia ka theksuar rëndësinë e vaksinimit si një nga mënyrat më efektive për parandalimin e përhapjes së kësaj sëmundjeje ngjitëse.
Fruthi është një sëmundje virale që përhapet lehtësisht, veçanërisht te personat e pavaksinuar, dhe mund të shkaktojë komplikime serioze shëndetësore.
Prindërit inkurajohen të respektojnë kalendarin e rregullt të vaksinimit dhe të sigurohen që fëmijët e tyre i kanë marrë dozat e nevojshme të vaksinës.
Vaksinimi mbetet një nga masat kryesore për mbrojtjen e shëndetit të fëmijëve dhe parandalimin e shpërthimeve të fruthit në vend. /PodujevaSot
