Shkumbin Aliu ka bërë të ditur se ka dhënë dorëheqje nga të gjitha funksionet e tij në Lidhjen Demokratike të Kosovës, menjëherë pas rezultatit të Kuvendit të LDK-së të mbajtur sonte.
Përmes një njoftimi publik, Aliu ka bërë të ditur se është larguar nga pozita e kryetarit të LDK-së në Gadime e Ulët, si dhe nga pozita e anëtarit të Kryesisë së LDK-së në Lipjan.
Në reagimin e tij, ai shkruan:
“Pas rezultatit të Kuvendit të LDK-së sonte, ju njoftoj që kam dhënë dorëheqje nga pozita e kryetarit të LDK-së në Gadime e Ulët, si dhe nga pozita e anëtarit të Kryesisë së LDK-së në Lipjan. Faleminderit të gjithëve për përkrahjen dhe besimin.”
Deri më tani, nuk janë bërë të ditura arsyet e detajuara të dorëheqjes së Aliut, ndërsa mbetet të shihet nëse do të ketë reagime të tjera nga strukturat e LDK-së lidhur me këtë vendim.
