Gjykata Themelore ka shpallur aktgjykim lirues për Sami Lushtakun dhe shtatë të akuzuarit e tjerë në rastin e njohur si “Drenica 1”, duke i liruar ata nga të gjitha pikat e aktakuzës.
Vendimi është bërë publik të martën, duke përmbyllur procesin gjyqësor që zhvillohej ndaj Sami Lushtakut, Rrustem Rrukollit, Ismet Haxhajt, Fatmir Mjakut, Rexhep Xhotës, Skender Tahirit, Sheremet Jasharit dhe Bajram Dibranit.
Të akuzuarit ngarkoheshin me vepra penale që lidhen me ndikimin ndaj dëshmitarëve, pengimin e procedurës penale dhe pjesëmarrjen në grup të organizuar kriminal.
Gjatë gjithë procesit gjyqësor, të pandehurit kanë mohuar akuzat e ngritura ndaj tyre, duke deklaruar se nuk kanë kryer veprat penale për të cilat akuzoheshin.
Në arsyetimin e vendimit, Gjykata ka vlerësuar se nuk janë paraqitur prova të mjaftueshme që do të vërtetonin fajësinë e të akuzuarve, ndaj ka vendosur t’i lirojë ata nga të gjitha pikat e aktakuzës.
Me këtë aktgjykim, të tetë të akuzuarit janë shpallur të pafajshëm në shkallën e parë. Palët në procedurë gëzojnë të drejtën e ankesës ndaj vendimit, në përputhje me afatet dhe procedurat e përcaktuara me ligj.
Gjykata Themelore në Prishtinë ka shpallur aktgjykim lirues për Sami Lushtakun dhe shtatë të akuzuarit e tjerë në rastin e njohur si “Drenica 1”.
Vendimi u bë publik të martën, kur trupi gjykues konstatoi se nuk janë siguruar prova të mjaftueshme për të vërtetuar fajësinë e të akuzuarve, duke i liruar ata nga të gjitha pikat e aktakuzës.
“Nuk është gjetur asnjë provë që do të vërtetonte fajësinë e të pandehurve”, u tha gjatë shpalljes së aktgjykimit në Gjykatën Themelore në Prishtinë.
Rasti “Drenica 1” ka qenë një nga proceset gjyqësore më të ndjekura në Kosovë, ndërsa vendimi i fundit i gjykatës i jep fund procedurës në shkallën e parë ndaj Sami Lushtakut dhe shtatë të akuzuarve të tjerë.
Palët në procedurë kanë të drejtë të ushtrojnë mjetet juridike të parapara me ligj brenda afateve të përcaktuara, nëse vendimi ankimohet.
