Biznesmeni Nadir Çausholli, pronar i kompanisë farmaceutike CFO Pharma dhe i kompanisë së transportit Green Line, është përfshirë në një konflikt fizik të ndodhur mesditën e së hënës, më 6 korrik 2026, në zonën e ish-Bllokut në Tiranë.
Pamjet që kanë qarkulluar në rrjetet sociale tregojnë momentet e përplasjes mes Çaushollit dhe një personi tjetër, i identifikuar nga disa media si pronar i një lokali në zonë. Në video shihet se mes tyre krijohet një debat, i cili më pas përshkallëzohet në kontakt fizik, ndërsa persona të pranishëm ndërhyjnë për të ndarë palët dhe për të shmangur përshkallëzimin e mëtejshëm të situatës.
Sipas informacioneve paraprake, motivi i konfliktit nuk është bërë ende i ditur.
Mediat në Shqipëri raportojnë se personi tjetër i përfshirë në incident ka paraqitur kallëzim penal ndaj Nadir Çaushollit, duke pretenduar veprat penale të “kanosjes” dhe “shkatërrimit të pronës”. Deri tani nuk ka një qëndrim publik nga Çausholli lidhur me këto pretendime.
Ngjarja po trajtohet nga autoritetet kompetente, të cilat pritet të shqyrtojnë pamjet filmike, dëshmitë e personave të pranishëm dhe provat e tjera për të sqaruar plotësisht rrethanat e incidentit.
Emri i Çaushollit është përmendur edhe më herët në raportime mediatike lidhur me hetime ndaj personave të lidhur me kompaninë CFO Pharma. Prokuroria e Tiranës ka ndërmarrë masa sigurie ndaj disa personave në kuadër të një hetimi për një skemë të dyshuar mashtrimi me rimbursimin e barnave. Sipas autoriteteve, hetimet janë ende në zhvillim dhe nuk ka një vendim gjyqësor të formës së prerë mbi përgjegjësinë penale të personave të përfshirë.
Lidhur me konfliktin e ndodhur në ish-Bllok, autoritetet nuk kanë dhënë ende informacion zyrtar mbi masat që mund të ndërmerren apo mbi ecurinë e procedurave hetimore, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
