Zëvendësministri i Financave, Hysni Mehani, ka reaguar ndaj deklaratave të fundit të Sami Lushtakut, duke e akuzuar për hipokrizi dhe duke thënë se ai nuk ka të drejtë morale të flasë për demokracinë, mediat e lira dhe sundimin e ligjit.
Mehani tha se Lushtaku po flet për “regjim”, “shtypje”, “inskenime” dhe “fabrikime”, ndërsa sipas tij, vetë ka vepruar në kundërshtim me këto parime.
Postimi:
Sami Lushtaku paska fol për regjim, paska alaramu për mediat e lira, paska folur për shtypje, për inskenime, fabrikime e për diktat!
Dikush që do duhej të ishte prapa grilave për tentim-vrasje, po ligjeron e po moralizon për demokracinë. Po e vajton demokracinë me lot të krokodilit.
Dikush që me diktat i detyroj pronarët e lokalit t’i fshijnë kamerat për t’ia mbuluar duart me gjak, i detyroi pronarët e gjorë të kryejnë vepër penale, për ta inskenuar e fabrikuar rastin sipas nevojës së tij, ka guximin të ligjerojë për diktat, fabrikime e inskenime.
Dikush që e rrethoj Stacionin Policor para se të shkonte për të dhënë një intervistë, po ligjeron se qysh nuk duhet bërë presion mbi profesionistët.
