Tragjedia që ndodhi sot në bregdetin e Shëngjinit ka prekur thellë opinionin publik në Kosovë.Burime të Gazeta Minuti mësojnë se njëri nga personat që humbi jetën pasi u mor nga dallgët e detit ishte nga Fushë Kosova dhe ishte djali i vetëm i familjes së tij.
Sipas raportimeve, ngjarja tragjike ndodhi teksa një grup të rinjsh nga Kosova po qëndronin në zonën e plazhit, ku disa prej tyre u përfshinë nga rrymat e forta detare. Autoritetet shqiptare kanë konfirmuar se dy persona nga Kosova humbën jetën në këtë ngjarje të rëndë, ndërsa disa të tjerë u dërguan për trajtim mjekësor.
Lajmi për vdekjen e të riut nga Fushë Kosova ka shkaktuar pikëllim të madh te familjarët, miqtë dhe bashkëqytetarët e tij. Fakti që ai ishte djali i vetëm i familjes e bën humbjen edhe më të rëndë për të afërmit, të cilët po përballen me një dhimbje të papërshkrueshme.
Ngushëllime familjes dhe të gjithë atyre që humbën më të dashurit e tyre në këtë tragjedi.
