Shpesh ka konfuzion mes gjuhës së përditshme dhe termave ligjorë kur flitet për azilin dhe qëndrimin në Gjermani. Sipas ligjit gjerman dhe atij ndërkombëtar, ekzistojnë katër forma kryesore mbrojtjeje që i japin një personi të drejtën të qëndrojë në Gjermani.
1. Mbrojtja si refugjat
Një refugjat është personi që largohet nga vendi i tij për shkak të persekutimit për arsye politike, fetare, etnike ose për shkak të përkatësisë në një grup të caktuar shoqëror. Sipas Konventës së Gjenevës, këta persona mbrohen dhe nuk kthehen në vendin e tyre për sa kohë rreziku vazhdon.
2. E drejta për azil
Azili u jepet personave që janë të përndjekur politikisht nga shteti i tyre. Megjithatë, ky lloj mbrojtjeje është më i rrallë dhe nuk jepet nëse personi ka hyrë nga një vend i sigurt tranzit.
3. Mbrojtja plotësuese (subsidiary protection)
Ky status jepet kur një person nuk kualifikohet si refugjat, por rrezikohet nga:
dënimi me vdekje
tortura ose trajtim çnjerëzor
luftë apo konflikt i armatosur
Ky leje qëndrimi zakonisht jepet për një vit.
4. Ndalim i dëbimit (banim i detyruar)
Në raste të veçanta, edhe nëse nuk plotësohen kushtet e tjera, personi mund të mos dëbohet nëse kthimi në vendin e tij do të shkelte të drejtat e njeriut ose do të rrezikonte seriozisht jetën dhe sigurinë e tij.
Kush nuk lejohet të qëndrojë?
Personat që:
nuk plotësojnë asnjë nga këto katër kushte
kanë hyrë ose qëndruar në mënyrë të parregullt
nuk kanë arsye ligjore për mbrojtje
konsiderohen migrantë të parregullt dhe sipas ligjit duhet të kthehen në vendin e origjinës, vullnetarisht ose me deportim.
burimi lajmit – https://rumoursaboutgermany.info/facts/who-is-allowed-to-stay-in-germany-and-who-is-not/
