Në ndeshjen e boksit në Trabzon shpërtheu kaosi, boksieri turk Erhan Kalkan shpjegon prapaskenat:
Veprimi i trajnerit rus e solli situatën deri aty!
Boksieri rus, Sergey Gorokhov dhe trajnerët e tij janë rrahur brutalisht nga tifozët turq.
Pas ndeshjes së djeshme të trazuar të boksit në Trabzon, boksieri Erhan Kalkan bëri një deklaratë. Ai u shpreh i trishtuar për ngjarjet e ndodhura dhe tha:
“O që në fillim, mënyra se si trajneri i boksierit rus erdhi drejt këndit tonë dhe bëri ato lëvizje e solli situatën në atë pikë. Na vjen keq për atë që ndodhi, do të donim që të mos kishte ndodhur.”
Në rundin e tretë të ndeshjes, sipas pretendimeve, ekipi rus bëri disa veprime ndaj kundërshtarëve, çka bëri që tensioni në ring të rritej papritur.
Tensioni u përshkallëzua shpejt dhe u kthye në përleshje masive.
Në përleshje u përdorën karrige plastike, ndërsa u hodhën goditje me shkelma dhe grushte.
Personeli i sigurisë private ndërhyri me vështirësi për të ndalur kaosin.
Për shkak të përleshjes, ku u përfshinë dhjetëra persona që hynë në ring, ndeshja u ndërpre dhe mbeti pa përfunduar.
Ndërkohë, është bërë e ditur se ka nisur një hetim për incidentin.
Ngjarjet u filmuan me telefona celularë. Në pamje shihen momente kur hidhen karrige plastike në ring, njerëz që godasin njëri-tjetrin me grushte dhe shkelma, ndërsa zyrtarët përpiqen me vështirësi të ndërhyjnë. Ja dhe video:
