Kreu i Aleancës për Ardhmërinë e Kosovës, Ramush Haradinaj, ka thënë se kryeministri Albin Kurti edhe po t’i marrë 100 për qind të votave, nuk do të ketë ndryshim.
Ai këto deklarata i ka bërë në Rubikon, ku foli për krizat politike dhe zgjedhjet e reja.
“Është shumë e çuditshme kur dikush i merr 50 për qind, dhe nuk e shfrytëzon me ecë përpara, por bën kriza, probleme, sillet si po sillet, kemi të bëjmë me një rast specifik. Një situatë jo të zakonshme demokratike. Një njëri që ka prirjte të çuditshme, prirjen e kapjes. Ne më 9 shkurt morëm votë më shumë se ai, opozita së bashku, ai e bëri këtë kohën e gjatë të pritjes, kamuflimet, dhe ai mori më shumë se ne, se opozita shqiptare. Tani po na dërgon sërish në zgjedhje, nuk e di pse më. Edhe 100 jepja këtij njeriut, nuk ka ndryshim, ai qasjen e ka të tillë. Po e bëjmë mbret, po e bëjmë diktator, po e bëjmë çka të duash, kjo qasje nuk të ecë përpara e as kah zhvillimi i proceseve”, tha ai.
