Deputeti i Partia Demokratike e Kosovës, Xhavit Haliti, ka bërë publik deklarimin e tij të pasurisë në Agjencia për Parandalimin e Korrupsionit, duke zbuluar pasuri të konsiderueshme në prona të paluajtshme, kursime bankare dhe asete të tjera, shkruan Gazeta Minuti.
Sipas deklarimit, Haliti posedon një banesë prej 75.5 m² me vlerë 200 mijë euro, të blerë nga kursimet familjare. Ai gjithashtu ka në pronësi të përbashkët një shtëpi prej 250 m² dhe 4 hektarë tokë të trashëguar, me vlerë të përgjithshme rreth 600 mijë euro.
Në mesin e pasurive figuron edhe një arë prej mbi 1 mijë metrash katrorë, e blerë gjatë vitit 2024 për 32 mijë euro, si dhe tokë pyjore prej 4.35 hektarësh me vlerë 20 mijë euro.
Sa i përket pasurive të luajtshme, deputeti ka deklaruar një veturë Land Rover të blerë në vitin 2000 me vlerë 5 mijë euro dhe një Mercedes-Benz të vitit 2023 me vlerë 20 mijë euro. Në deklarim përfshihen edhe stoli ari në vlerë prej rreth 30 mijë euro, të ndara mes tij dhe bashkëshortes.
Një pjesë e konsiderueshme e pasurisë së Halitit qëndron në sektorin bankar. Ai ka deklaruar mbi 230 mijë euro kursime në disa banka në Kosovë, përfshirë ProCredit Bank, Raiffeisen Bank Kosovo dhe Banka Kombëtare Tregtare, ku përfshihet edhe një shumë nga trusti pensional, shkruan Gazeta Minuti.
Në deklarimin e tij nuk figurojnë aksione në kompani, kriptovaluta apo detyrime financiare si kredi.
Ky publikim vjen në kuadër të obligimeve ligjore për transparencë të zyrtarëve publikë në Kosovë, përmes raportimit në Agjencia për Parandalimin e Korrupsionit.
