Disa pamje të publikuara në rrjetet sociale thuhet se tregojnë momentin dramatik kur anija “Cuauhtemoc”, një anije trajnimi e akademisë detare meksikane, është përplasur në Urën e Bruklinit në Nju Jork.
Si pasojë e përplasjes, kanë humbur jetën dy anëtarë të ekuipazhit, ndërsa disa të tjerë kanë mbetur të lënduar. Anija kishte në bord 277 persona dhe sapo ishte nisur nga një skelë në Manhatan, me destinacion të planifikuar detin, jo urën.
Ende nuk është bërë e ditur se çfarë e shkaktoi devijimin e anijës, ndërsa autoritetet kanë nisur hetimet për zbardhjen e plotë të ngjarjes. Cuauhtemoc, një anije me gjatësi rreth 90 metra dhe gjerësi 12 metra, u ndërtua në Spanjë dhe nisi udhëtimin e saj të parë në vitin 1982.
Anija ishte në një mision trajnimi, me itinerar që përfshinte vizita në 22 porte të 15 vendeve për një total prej 254 ditësh, prej të cilave 170 në det.
