Drejtori i Institutit të Kosovës për Drejtësi, Ehat Miftaraj është shprehur se deputetët e Lëvizjes Vetëvendosje i kanë rënë shkelm fukarallëkut.
Ai tha se Kuvendi i Kosovës me shumë po duket si sfilatë mode ku sipas tij, parakalojnë deputetë që të japin përshtypje se po reklamojnë marka të veshjeve të tyre.
“Deputetët e LVV i kanë ra shkelm fukarallakut. Secili/a të veshur me garderobë firmato. Kuvendi i Kosovës me shumë po duket si sfilatë mode ku parakalojnë deputetë që të japin përshtypje se po reklamojnë marka të veshjeve të tyre, duke harruar se aty përfaqësojnë qytetaret që i kane votuar”.
“Deputetët e VV më nuk po flasin për qytetarin e vjedhur, qytetarin e varfër, shtrenjtimin e rrymës, bukës, qumështit dhe jetën e vështirë në Kosovë. Sigurisht, kur jeton i pasur nga buxheti i popullit, nuk ia din dhe nuk kupton hallet e popullit”, ka shkruar tutje Miftaraj.
