Kalimi në semafor të kuq konsiderohet një shkelje e rëndë e trafikut dhe mund të rezultojë në një përplasje me pasoja të rënda, prandaj Porsche ka projektuar një teknologji të re që duhet të ndihmojë në zgjidhjen e këtij problemi.
Bëhet fjalë për sistemin e dritave në automjet që ndjek ndërrimin e dritave në semafor dhe kështu u jep shoferëve një mundësi më të mirë ta dallojnë në kohë dhe të reagojnë, shkruan Carbuzz. Teknologjia gjithashtu mund të zvogëlojë shanset e frenimit të rrezikshëm në situata emergjente kur një shofer sheh ndryshimin e semaforit shumë vonë, pasi ky skenar shpesh rezulton në goditjen nga një veturë tjetër që afrohet nga pas.
Sipas dizajnit të Porsches, sistemi përdor një kamerë, një burim drite dhe teknologji për të kontrolluar dritën në veturë. Këto drita mund të vendosen sipër panelit të kontrollit, por edhe në vende të tjera në brendësi, dhe do të tregojnë dritën e kuqe, të verdhë dhe jeshile njësoj si një semafor.
Linja e dritës do të jetë mjaft e madhe për t’u parë në një kënd të gjerë, edhe kur shoferi nuk shikon drejtpërdrejt burimin e dritës.
Ngasja e shpërqendruar është një problem i theksuar në epokën e telefonit, kështu që shpikja e Porsches ka logjikë. Kur një semafor ndryshon, ndryshimi midis një shoferi që reagon një sekondë më shpejt se zakonisht mund të shpëtojë një jetë.
