Sadik Halitjaha ka qenë zëvendëskomandant i UÇK-së për zonën e Pashtrikut.
Në një intervistë për gazetën Nacionale ai ka folur për intervistimin nga Gjykata Speciale, numrin e veteranëve dhe tema të tjera.
Halitjaha ka qenë pjesë e Komisionit Qeveritar për Verifikimin e Veteranëve.
I pyetur lidhur me kritikat që i bëhen kryeministrit të vendit për statusin e veteranit, ai ka thënë se Kurti ka punuar për UÇK-në.
Megjithatë, Halitjaha ka thënë se nuk do ta kishte pranuar kurrë dorëzimin te serbët sikur Kurti.
“Kjo është bërë me kërkesën e Adem Demaçit, ai ka qenë në zyrën e Ademit, a ka qenë përkthyes apo sekretar, a ka qenë njeri i mbërrirë apo i thyer nuk hyj në vlerësime, ka bërë punën për UÇK-në, derisa ka bërë punën për UÇK-në i takon, sepse i kanë quajtuar të internuar, edhe ky ka qenë i interneuar.
Një gjë nuk pajtohem me Kurtin, pse ka pranuar dorëzimin, kur e di që duhesh të kapesh ose vepro deri në vdekje je UÇK, ose dil në mal te shokët e nëse të vrajnë të vrajnë me plumb. Jo ashtu sic është marrë e poshtëruar e është mbajt.
Nuk kisha hi në detaje. Por nuk jam kurrë dakord pse u dorëzuar.
Përpara kisha bërë vetëvrasje, shumë ushtarë të mi plumbin e kanë ruajt të vriten nëse bien në duar të armikut, ose i kanë thënë shokut nëse bi në duar të armikut vramë.
Kjo është që nuk e shoh në piedestal që duhet ta shoh një kryeministër”, deklaroi ai.
