“Kryeministri i Malit të Zi, Dritan Abazoviq ka thënë në Potoçari (fshat ku ndodhet memorali që përkujton viktimat e gjenocidit të Srebrenicës) se gjenocidi i kryer atje “nuk është kryer ndaj boshnjakëve, por ndaj njerëzve”.
Fjalimi i tij është quajtur skandaloz në media boshnjake, ndërsa një politikan nga Vojvodina ka thënë se është larguar nga salla kur ka marrë fjalën kryeministri malazez.
Për këtë deklaratë ka reaguar edhe analisti Skënder Mulliqi.
Ai përmes një postimi në Facebook, kritikoi ashpër Abazoviqin, duke dhënë se deklarata e tij dhe më pas kërkim falja ishin shumë skandaloze dhe jo të arsyeshme.
Madje, Mulliqi tha se politikat e Abazoviqit janë shumë të rrezikshme për Ballkanin Perëndimor, duke përmendur edhe raportet me Ramën dhe Vuçiqin.
“Abazoviqi ka treguar së nuk është vetëm banal dhe i pagdhendur, por ka treguar se është shumë i rrezikshëm për proceset demokratike në Mal të Zi, si anëtare e NATO-s dhe për rajonin e Ballkanit.
Dritan Abzoviqit dhe politikat e ërreta të cilat ai po i përkrahë në Mal të Zi, do të marrin shpejt fund”, deklaroi Mulliqi
Fjalimi i kryeministrit të Malit të Zi, Driton Abazoviq, lidhur më masakrën e Srebernices dhe kërkim falja i tij pastaj, janë më shumë se skandaloze. Nëse njerëzit kan menduar se kanë të bëjnë më një njeri më parime morale e intelektuale, që të dyja këto virtyte prej një politikani serioz u zhduken si fluskë sapuni. Ky mendim i tij për Srebrenicën ishte budallakia e llojit të vet, është iracionalizem.
Gjenocidi sipas tij nuk është bërë mbi boshnjak, por mbi njerëz. Nuk e ka bërë ushtria por politika thotë ai. Këto konstatime edhe pse shpejt i lëpiu, kanë mbetur njollë e madhe që nuk i shlyhet. Kjo deklaratë ishte aniticivilizuese, antinjerëzore e raciste. Abazoviqi qartazi u përpoq të relativizon gjenocidin e shkaktuar nga Serbia.
Ky deklarim ishte transmetim i presidentit, Aleksandar Vuçiq. Një deklarim i tillë për shumë kënd i papritur ka ofenduar zemrat e familjarëve të te vrarëve, dhe ka lënduar gjithë të pranishmit. Nga një ofendim i tillë, Abazoviq e ka turpëruar edhe Malin e Zi. Këtë flliqësirë mund ta bënte vetëm Vuçiq dhe kriminelet e tjerë të luftës.
Abazoviqi ka treguar së nuk është vetëm banal dhe i pagdhendur, por ka treguar se është shumë i rrezikshëm për proceset demokratike në Mal të Zi, si anëtare e NATO-s dhe për rajonin e Ballkanit. Të përkrahësh Serbinë e pareformuar dhe Kishën Ortodokse Serbe, e cila moti i ka lënë predikimin fetar, si udhëheq shpirtëror të luftës në ish-Jugosllavi, është shovinizëm i kulluar.
Dritan Abzoviqit dhe politikat e ërreta të cilat ai po i përkrahë në Mal të Zi, do të marrin shpejt fund. Ka kaluar koha e atyre që dëshirojnë me kthye orën e historisë mbrapa.
Abazoviq nuk është demokrat siç po pretendon se po mbron atë qëndrim politik. Është një proserb i thekur, një përkrahës i idesë shoviniste të Botës serbe, dhe idesë për Ballkan të Hapur, t cilat do të dështojnë së bashku më dy protagonistët e saj, Vuçiq dhe Rama”.
