Këtë festë të Bajramit, me lot në sy po e pret familja katër anëtarëshe nga Prishtina.
Kryefamiljari Brahim Latifi rrëfen ditët kur kanë qëndruar pa ushqim ai dhe bashkëshortja, derisa tregon ato pak ushqime që i kanë siguruar për këtë festë.
Sipas Latifit, kërkesa e vetme që ata kanë është sigurimi i një kulmi mbi kokë.
Brahim Latifi, tregon se si është një ditë e tij, për të siguruar të hollat që të paguaj qiranë e kësaj shtëpie.
Kryefamiljari me lot në sy, rrëfen vështirësitë që kanë me bashkëshorten dhe dy djemtë e tij.
Ai thotë se ka raste kur deri në tri ditë kanë qëndruar pa ushqim.
Sipas Latifit, në mungesë të një diplome e ka të vështirë të sigurojë edhe një vend pune.
E largimin nga kjo shtëpi, e bëmë vetëm me një kërkesë të kësaj familje, që t’iu mundësohet sigurimi i një vendbanimi.
