Peci thotë se AAK e Haradinajt ka uzurpuar pronën në Ulpianë me 2 euro metri katror.
“Ministri i Bujqësisë, Faton Peci ka thënë se Aleanca për Ardhmërinë e Kosovës e paguan vetëm dy euro metrin katror, për objektin e selisë qendrore të partisë e që është pronë e ministrisë që ai drejton.
I ftuar në “Context”, Peci ka zbuluar se ky subjekt politik madje nuk e ka paguar qiranë në gjashtë muajt e fundit.
“Nuk mundet që një objekt në qendër të Prishtinës, në Ulpianë me e pas 2 euro për metër katror. Kjo është e shfrytëzuar nga Aleanca për Ardhmërinë e Kosovës”, ka thënë Faton Peci.
“Gjithashtu ka gjashtë muaj që nuk i ka bërë kompensimin Ministrisë së Bujqësisë. Ata paguajnë dy euro për metër katror derisa vlera e tregut është 20 euro për metër katror”, ka shtuar ministri në Context. Peci ka thënë se do të nxirret një rregullore dhe tu përcaktohet çmimi pronave të Ministrisë së Bujqësisë.
“Nuk e nxjerri nga objekti (AAK-në), por do ta nxjerrim një rregullore ku kanë me u përcaktuar zonat dhe sa është vlera e tregut dhe ose e mbulon atë shifër ose e liron zyrën”, tha ndër të tjerash Faton Peci. Kështu po shkruajnë mediat tona. Unë si individ nuk kam asgjë kundër nëse Ramushi ka vjedhë ndonjë milion. Në kohë lufte kam vjedhë edhe unë, kur i sulmoja me mortaja forcat serbe dhe ua merrja kallashat.
Unë mendoj se Ramushi vuan nga posttraumat e luftës, kur duhej t’ua vidhte armët pushtuesve.
Ka mundësi që kjo shprehi iu ka ngulitur në kokë, dhe tash kur ky e sheh ndonjë truq parashë, i do të gjitha pë vete.
Ramushi është legjendë e luftës. Duhet me ia ba hallall edhe hajnitë në paqe. Më shiqoni, më besoni: ky nuk i bën këto punë me vetëtije, por qishtu i ka mbetur, zanat hesapi!”
