Një gjilanas është gjobitur me 300 euro nga Policia e Kosovës pasi që drutë që bleu i vendosi në trotuar.
I njëjti pohoi se nga policia iu dha afat prej 40 minutash për t’i larguar drutë, por që për të ishte e pamundur ta bëjë një gjë të tillë meqë kishte 10 metra dru.
Në vendin e ngjarjes doli edhe vëllai i tij që e ka edhe komshi teksa i tha Klan Kosovës se vetëm se u interesua për situatën e krijuar u dënua me 50 euro pasi nuk kishte me vete dokumente personale, transmeton klankosova. Policia e konfirmoi rastin duke thënë se bëhet fjalë vetëm për kundërvajtje dhe jo ndonjë vepër penale.
