Category: Lajme

Përfundon gjithçka, merret ky vendim për Vjosa Osmanin

Agjencia për Parandalimin e Korrupsionit ka përfunduar procesin e verifikimit të deklarimit të pasurisë së presidentes së Kosovës, Vjosa Osmani. Sipas njoftimit të agjencisë, pas analizimit të të dhënave dhe dokumentacionit përkatës, nuk janë konstatuar mospërputhje në pasurinë e deklaruar nga presidentja, shkruan Gazeta Minuti. Procesi i verifikimit është zhvilluar në kuadër të procedurave të rregullta që kjo agjenci realizon për kontrollimin e deklarimeve të pasurisë së zyrtarëve të lartë publikë, me qëllim të garantimit të transparencës dhe parandalimit të korrupsionit. Agjencia për Parandalimin e Korrupsionit thekson se nga shqyrtimi i të gjitha të dhënave të disponueshme nuk janë identifikuar parregullsi në deklarimin e pasurisë së presidentes Osmani.