Pas publikimit të mesazheve që sugjerojnë se Dejona Mihali ka ndikim në ndaljen e energjisë në Kosovë, ka reaguar Vlora Çitaku.
Ajo thekson se “Mihali nuk ka asnjë lloj peshe politike as relevancë elektorale,” duke e përjashtuar atë nga çdo rol të rëndësishëm në politikë.
Çitaku vazhdon duke e cilësuar Mihalin si “thjeshtë altoparlantin” e Kurtit, duke theksuar se “nuk vendosë Dejona kur ndalet rryma. Lideri i VV vendos.”
Ajo nënvizon se Mihali nuk ka asnjë rol historik dhe se “nuk ka asnjë lloj roli apo relevancë, përveç funksionit që ia ndanë regjisori i cirkut.”
E plotë:
Pashë besën, mos u merrni me Dejona Mihajlin.
Ajo nuk ka asnjë lloj peshe politike as relevance elektorale. Nuk ka as rol historik. Asnjë lloj roli apo relevance nuk e ka, përveç funksionit që ia ndanë regjisori i cirkut.
Nagipi nuk kish me folë kurrë me të, sikur ajo mos të ishte e veshur me pushtet nga lideri suprem.
Nuk vendosë Dejona kur ndalet rryma. Lideri i VV vendosë. Dejona është thjeshtë altoparlanti.
