Deputeti i LDK-së, Avdullah Hoti, ka kritikuar qeverinë duke thënë se janë përçudnuar.
Hoti përmendi rastin e zëvendëskryeministrit Besnik Bislimi, i cili sipas tij, ka deklaruar se është ulur papunësia, e që sipas tij, 200 mijë qytetarë kryesisht të moshës së punës, janë larguar nga vendi.
“Zv.kryeministrja Gërvalla, në vitin e katërt në pushtet, çuditet për tarifat e larta për pajisje me dokumente që lëshohen në konsullata dhe vendos t’i ulë ato”.
“Norma e rritjes ekonomike në Kosovë për 2025 pritet të jetë 3.9%, që është me ndikim minimal në rritjen e standardit të jetës, por zyrtarë të partisë në pushtet krekosen se është më e larta në rajon kur vendi fqinj në veri e ka 3.8%, pra Kosova e ka vetëm 0.1% më të lartë”, shkroi Hoti, transmeton Klankosova.tv.
