Kryetari i Zubin Potokut, Izmir Zeqeri i është përgjigjur Shkëlzen Gashit, duke thënë se Kosova është çliruar në vitin 1999.
Sipas tij, grupet serbe ndikohen prej shtetit të Serbisë brenda Kosovës.
“Kosova është shliru në 1999 dhe pikë. Grupet të cilat ndikohen prej shteteve, sic janë serbët që ndikohen prej shtetit të Serbisë brenda Kosovës është tjetër temë. Shkëlzenin pe kuptoj tash, si shumë të tjerë. Unë nuk jam i tillë, më pëlqen fortë euphoria, fotografimi e ku ta di unë. Unë sot pash fotografi në Ujaman, selfie. Pash edhe simbole Albinin e presidenten e flamurin e këto. Nuk është e nevojshme, ata po shkojnë me u knaq. Ashtu ma merr menja”.
Ai përmendi edhe ish-presidentin Hashim Thaçi dhe Kadri Veselin, për kontributin e tyre në luftën çlirimtare të Kosovës.
“Ky e zuni pak a shumë edhe ishpresdientin Hashim Thaci e Kadri Veselin, që për mendimin tim, koha kur ata kanë qenë protagonist të UCK që për mu është epoka më e lavdishme e kombit tonë, natyrisht që për mu si qytetar edhe si një akter që I kem përjetu këto gjana, është histori në vete, dmth që duhet të krenohemi me atë histori. Por ata në kohën e duhur, asnjë akter nuk ka me mujt më, si përfaqësues qoftë politik apo ushtarak me mbërri një sukses cfarë kanë arrit ata”, tha ai në Pressing.
