Tifozja e njohur kroate, Ivana Knoll, është kapur duke kritikuar një prezantuese gjermane të sportit dhe televizionit gjerman pas një interviste të shtunën.
Knoll, e njohur për paraqitjen e saj tërheqëse gjatë Kampionatit Botëror, kreu një intervistë për televizionin gjerman Magenta TV para ndeshjes Kroaci – Spanjë të shtunën mbrëma, raporton DailyMail.
Pas paraqitjes së saj në programin televiziv, kroatja sulmoi prezantuesen gjermane Laura Wontorra, e cila e kishte intervistuar atë të shtunën.
Ajo publikoi një foto të Laura Wontorra dhe kritikoi pamjen e saj. “E dashur Laura, po të dukem si ty, do të vishja gjithmonë rroba dimri,” shkruajti ajo në krahasim me fotografinë e prezantueses.
Knoll gjithashtu sulmoi kompaninë mediatike Magenta TV. “Televizioni më pak profesional i të gjitha kohërave. Mësoni kulturën e prezantuesve tuaj dhe mos më kontaktoni më për intervista,” tha ajo.
Gjatë intervistës, Knoll kishte veshur një bluzë të shkurtër të sipërme dhe kishte pohuar se ishte ftohtë. Në reagimin e saj, prezantuesi në studio kishte thënë: “Teorikisht, do të ishte mundësi për të veshur diçka kur është ftohtë.”
Kamerat më pas u kthyen te intervista me gazetaren Wontorra brenda stadiumit të Kolnit, ku ajo tha për Bild: “Tani thjesht do të përpiqeshim të gjenim pak ekspertizë.”
Shiko foton:
