Pasi u përjashtuan nga Big Brother Vip me zarf të zi dhe pavarësisht se iu dha një shans i dytë për t’u bërë sërish pjesë e garës, Egla Ceno dhe Meriton Mjekiqi, nuk po gjejnë paqe me njëri-tjetrin.
Të gjendur të izoluar në një dhomë deri të shtunën, Meritoni dhe Egla kanë zhvilluar një diskutim me doza ironie, ndërsa Ilnisa Agolli, e cila po ashtu ndodhet në të njëjtën dhomë, është treguar më e ftohtë, duke qëndruar larg debatit.
Egla e ka cilbsuar moderatorin vogëlush 28-vjeçar, ndërsa i ka thënë se “nuk marr këshilla nga ty”, ndërsa Meritoni është përgjigjur duke i thënë “ e di shprehjen ‘I vogël, i vogël, por sherrin e madh’”.
Pjesë nga debati:
Egla: Me një njeri që më thotë interesaxhie, nuk denjoj të flas. Mëso të flasësh!
Meriton: Po je.
Egla: Çfarë jam?
Meriton: Nuk flas me një njeri që nuk e kupton se çfarë flas. O je e edukuar, o s’je.
Egla: S’jam e pa edukatë, unë thashë çfarë jam!
Meriton: Unë them çfarë realisht je dhe të thashë ‘pse je kontradiktore’.
Egla: Sepse njeriu është ashtu, kontradiktor.
Meriton: Ti dhe Romeo keni interesa të përbashkëta për të shkuar në finale.
Egla: Unë i kam xhan, jam vetëm.
Meriton: Si mund ta kesh xhan kur i thua kastravec?!
Egla: Kastraveci është një perime që unë e dashuroj.
Meriton: Si mundesh me i thënë Heidit je italiane, me zë të lartë?!
Egla: I jam afruar për t’i thënë mos thuaj ‘jam italiane’. Po thua gjëra papagallshe. Bëfsh gjumin e ëmbël dhe pafsh ëndrra… të bukura!
Meriton: Sa të qartesh, flasim.
Egla: Jo se nuk marr këshilla nga një vogëlush 28-vjeçar.
Meriton: Ti e di shprehjen ‘I vogël, i vogël, por sherrin e madh’.
Egla: Jo nuk e di, ke sherr të madh ti?
Meriton: S’e kupton ti, ndoshta se është e thellë.
Egla: Ndoshta, se nuk jam aq e thellë sa ti.
