Imami i cili u bë i njohur me kritikat kundër fesë islame Zekirija Idrizi, ka ndryshuar qëndrimet e tij.
Edhe pse në një emision televiziv kohë më parë ai tha se është agnostik, në një status në Facebook, sonte ka deklaruar se ndjehet mysliman.
Postimi i plotë:
DEFINITIVISHT VAZHDOJ TË JEM MYSLIMAN FETARISHT
Përfundimisht kam vendosur të rikthehem dinjitetshëm në fenë islame. Jam penduar thellë nga gjitha rebelimet e mia fetare e teologjike kundrejt Zotit dhe fesë.
Këtë katarsis-transformim e pendesë e kam shfaqur edhe te Drama ime “Pranë varrit të profetit Muhammed a.s.”, në dialogun tim të imagjinuar me profetin.
Dorën në zemër, unë jam një mysliman i moderuar dhe racionalist, larg çdo ekstremizmi, radikalizmi e fundamentalizmi. Në rrafshin kombëtar, ndërkaq, vazhdoj të mbetem deri në vdekje një SHQIPTAR i mirëfilltë, i cili bindjen dhe mendimet e veta i mbështet mbi parimet fundamentale e programatike të Rilindjes Kombëtare dhe të Neoshqiptarizmit.
Kësisoji, ndjeki me përkushtim rrugën e etërve të mi: Zenelit dhe Zarifes, të gjyshërve: Hamdiut dhe Latifes, si dhe të stërgjyshit tim Idrizit, të cilët ishin shqiptarë të devotshëm dhe myslimanë të mirë.
Me respekt:
Zekerija Z. Idrizi
Abdulla Idrizi
