Policia e Kosovës i ka vazhduar masën e ndalesës së drejtimit të mjetit me veprim motorik dhe ka gjobitur një shofer në Prizren, i cili kishte ndalesë për vozitje deri në vitin 2037.
Sipas njoftimit, Njësia Trafikut Rajonal në Prizren, në një pikë kontrolli të automjeteve, ka identifikuar shoferin duke drejtuar automjetin e tij, mirëpo pas verifikimit i njëjti rezulton se ka ndalesë në drejtimin e mjetit me veprim motorik deri në vitin 2037 si dhe kishte edhe 14 raste tjera te kësaj natyre.
Policia thotë se i njëjti është larguar nga komunikacioni rrugor dhe është gjobitur me 300 euro si dhe i është vazhduar masa mbrojtëse.
