Në qytetin e qetë të Busovaçës, një histori e pazakontë dashurie tërheq vëmendjen e komunitetit dhe shkakton komente të ndryshme.
Elmedin Kariç është i martuar me dy gra dhe siç thotë ai është realizimi i një ëndrre të cilën e ka ëndërruar gjithmonë. Gruaja e parë e Elmedinit, Fatimja, është nënë e tre djemve të tyre dhe së bashku kanë kaluar shumë ulje-ngritje gjatë viteve të martesës.
Por dy vite më parë, Elmedin solli një tjetër grua në jetën e tij. Ai u takua me Janën, e cila vjen nga Ukraina, teksa qëndronte në Gjermani për punë të përkohshme. Mes tyre nuk ka lindur vetëm dashuria, por edhe dëshira për të jetuar së bashku.
Ajo që më së shumti i interesoi të gjithë atyre që e dëgjuan historinë e tyre, ishte se si organizoheshin për të fjetur.
“Orari i gjumit… Ja, unë fle me një grua këtu, ndërsa tjetra me fëmijët është atje. Natën tjetër, gruaja tjetër shkon tek unë, e para shkon te fëmijët. Nuk ka rëndësi. se nuk janë nëna, të gjithë e duan njëra-tjetrën, edhe fëmijët e respektojnë, ajo nuk është nëna e tyre e vërtetë, i thashë edhe kësaj plake që është në shkollë, duhet ta respektosh pak Janën, do të jetojmë të gjithë bashkë. Ne e respektojmë njëri-tjetrin, ashtu jemi marrë vesh”, thotë Elmedin.
